LOVE
عدد الرسائل : 16
العمر : 34
: 
تاريخ التسجيل : 03/08/2008
 |  موضوع: قاموس الروشنه 2  الإثنين أغسطس 11, 2008 7:02 pm | |
| طب ياجماعه بما ان محدش فيكوا (انتخ)
وكلكوا (ابجتوني) الردود اللي خلتني (استكنيس)
يبقى يلا نكمل باقي القاموس
معادنا مع حرف البااااااء
(ب)
بيرمى ودنه
يعنى بيتصنت على غيره رامى ودانه معاك عشان يسمعك
بخ
يعنى انتهى خلاص يقولك الحوار بخ خلاص يعنى انتهى
بونتى
يعنى واحد شايف نفسه وفارد عضلاته على الناس وممكن تبقى معناها صاحبي قوي يعني
بيس
يعني قشطه او حلو او كويس
باشكا
يعنى اكشف ورقك ماتخبيش بمعنى تانى خليك صريح
بيظيط
يعنى بيدخل فى امور غيره اى حوار يدخل فيه حتى لو مش فاهمه او ممكن تبقى بيعلق بنت يعني
بيحكها
مثلا لو واحد عاوز يتكلم مع حد تانى ومش عارف فايبدأ يحكها يعنى يمشى من قدامه يعلى صوته قدامه يعمل اى حاجة للفت النظر
بيتسوح
يعنى بيتأثر عليه بسهولة
بيروح
نفس المعنى اللي فات
باترينا
بتتقال لاى حد لابس نضارة الشاب ده باترينا
بيخبط فى الحلل
يعنى دخل فى منطقة محظورة من الكلام او الافعال او بيفضح سرك لحد
برطعة
يعنى ولا همه حاجة ماشى بدون هدف
بيجيب لورا
يعنى بيخاف
بكاش
يعنى بتاع كلام وغالبا البنت بتقولها للولد فى مواقف معينة
بونو
يعنى حلو و جميل
بؤلة
يعنى يخصنى جامد اوى
بهاريز
ليها كذا معنى سعات بتبقى معناها الفلوس او يعني الخلاصه بتاعت الموضوع
وادى كمان حرف الباء كمان خلص الحمد لله اهم حاجة الردود زى ماقولنا عشان حالة الاستكنيس ماتروحش منى  الموضوع (بونو) مش عاوزينه يبقى (بخ) ومش عاوزه حد ( يخبط في الحلل) او (يتسوح) | |
|
